ILOILO CITY – Nag-umpisa na ang ball games kag athletics sa nagapadayon nga Iloilo Schools Sports Council Meet 2019.
Sa interview sang Bombo Radyo kay Nick Valenzuela, Sports Coordinator sang Department of Education Division of Iloilo, iya ginpahayag nga 7:00 kaina sang aga sang nag-umpisa ang hampang sa nagkalain-lain nga venue sa syudad sang Iloilo.
Suno kay Valenzuela, kadungan sang pag-umpisa sang Iloilo Schools Sports Council Meet, indi malikawan nga may yara sang reklamo ang mga delegado kasubong sang kakulang sa tubig, magutok nga billeting areas kag indi kumportable nga comfort room.
Ginpahayag ni Valenzuela nga ang mga nasambit nga problema ang normal lamang sa tion nga may yara sang sports activity nga ginapatigayon.
Ginpasalig naman sang natungdan nga wala nagapabaya ang Department of Education agud nga mahatagan sang maayo nga kahimtangan ang mga estudyante.
