Gin-ako sang suspek sa pagpatay sa dalaga sa Ingay, Tubungan, Iloilo nga ‘balong’ siya sang ginhimo ang krimen.
Ang suspek amo si Aljohn Jalbuna, 33-anyos, residente man sang amo nga barangay samtang ang biktima amo ang 18-anyos nga si alyas Jeje.
Suno kay Jalbuna, antes natabo ang pagsulod niya sa kwarto sang biktima, nakainom ini sang makahulubog nga ilimnon.
Pahayag niya, pasado las-dos sang kaagahon sang nagsulod siya sa kwarto sang biktima.
