Naglab-ot sa masobra 3 billion pesos ang halit nga ginbilin sang habagat kag tatlo ka bagyo nga naglabay sa pungsod.
Suno sa Department of Agriculture, base sa pinakaulihi nga report nagtaas sa masobra 19.% ang halit halin sa masobra 2.8 billion pesos nga na-record sang Setyembre 1.
Masobra 82, 000 ka metric tons sang mga agricultural products ang naapektuhan, samtang masobra 72, 000 ka ektarya naman nga lupa ang nahalitan.
Dugang pa diri, masobra 80, 000 naman ka mga mangunguma kag manugpangisda halin sa Central Luzon, Calabarzon, Mimaropa, Bicol, Western Visayas kag iban pa nga lugar ang naapektuhan.
Dala sa mga nahalitan amo ang palay, mais, kamoteng-kahoy, high-value crops, fisheries, livestock kag poultry, pati na ang mga imprastraktura, makinarya kag kagamita para sa agrikultura.
Padayon naman nga gina-assess sang DA ang kabilugan nga halit sang bagyo kag habagat sa sektor sang agrikultura.
