JARO, ILOILO CITY- Ang nasambit nga apartment ang ginapanag-iyahan ni Martin Jude Baylen kag ginarentahan ni Maria Catherine Abenido alyas Katkat, kaupod ang iya 11 anyos nga anak.
Sa interview sang Bombo Radyo kay Fire Officer 1, Enermo Serada, fire responder sa distrito sang Jaro, iya ginpahayag nga naghalin ang kalayo sa ika duha nga panalgan sang apartment.
Ginpahayag naman sang isa ka residente sa lugar nga nagasala na sa pagpangayo sang bulig si Abenido bangud nasunog ang ila ginatiniran nga apartment.
Bangud sini, nagbuligay ang mga residente sa pagbasya sang tubig agud nga indi na maglapta ang kalayo.
Sa subong, wala pa nahibalu-an kun ano ang gintunaan sang sunog.
