ILOILO CITY – Nagdangat sa P4 million ang balor sang kahalitan nga tuga sang oil spill sa seaweed industry sa Caluya, Antique.
Ang apektado nga mga barangay amo ang Tinogboc, Liwagao, kag Semirara.
Sa interview sang Bombo Radyo kay Engr. Remia Aparri, director sang Bureau of Fisheries and Aquatic Resources Region VI, iya ginpahayag nga sa tion nga ma-contain na ang oil spill sa Oriental Mindoro, malayo naman ang posibilidad nga madugangan pa ang balor sang kahalitan sa probinsya sang Antique.
Suno kay Aparri, nagkuha na sang sample ang ahensya agud nga mapaidalom sa analysis kag mahibaluan kun mahimo na liwat nga makapangisda sa lugar.
Nagpadala naman sang bulig ang ahensya para sa mga apektado nga seaweed growers.
