Nabreak ni Bam Adebayo sang Miami Heat ang rekord ni Kobe Bryant bilang ikaduha nga pinakamataas nga puntos sa kasaysayan sang National Basketball Association (NBA) matapos makatipon sang 83 points sa ila 150–129 nga kadalag-an kontra Washington Wizards.
Ang performance ni Adebayo ang naglapaw sa 81 puntos nga ginrekord ni Bryant para sa Los Angeles Lakers batok sa Toronto sang 2006.
Sa pagsugod pa lang sang hampang nangin maayo na ang performance ni Adebayo sa first quarter kun sa diin nakahimo na ini sang 31 points.
Pag-abot sang halftime, may 43 puntos na ini nga nakuha kag ginpadayon pa gid ang mainit nga scoring sa third quarter kun sa diin nagdugang ini sang 19 points agud maglab-ot ini sa 62 points.
Sa fourth quarter, ginlampasan ni Adebayo ang rekord ni Bryant pinaagi sa duha ka free throws nga nagdala sa iya total nga 83 points.
Bangod sini, madamo sang naghinugyaw kag ginpalakpakan ini sang mga fans sa Kaseya Center sa Miami.
Suno kay Adebayo, ginakabig sini nga espesyal nga hitabo ini sa iya karera kag nagpasalamat man ini sa iya mga ka-updanan sa team kag coach nga naghatag sang oportunidad sa iya agud malab-ot ang makasaysayan nga performance sa National Basketball Association.
