ILOILO CITY–Yara na sa hilway nga kahimtangan ang isa ka bana matapos ginbuno sang tiayon sa Brgy. Cunarum, Lambunao, Iloilo.
Sa interview sang Bombo Radyo kay PO2 Jessie Fusin, imbestigador sang Lambunao Municipal Police Station, iya ginpahayag nga naka-angkon sang duha ka pilas sa tiyan ang biktima nga si Gilbert Lomillo, 45 anyos matapos ginbuno sang tiyaon nga si Lucia Lomello, 49 anyos.
Ginapahayag nga bag-o pa man natabo ang insidente, magkaupod pa nga nag-inum ang biktima kag ang  kamagulangan nga bata nga si Japhet, 24 anyos
Nauna nga nag-untat sa pag-inom si Japhet samtang nagpabilin naman ang amay.
Sang ginsaway sang tiayon ang bana nga mag-untat sa pag-inom, didto na kag umpisa ang pagbaisay sang duha.
Ginpahayag dugang ni Fusin nga ginsakit sang amay si Japhet matapos nagsaligbat sa ila away mag-asawa.
Ini ang rason kun nga-a napilitan ang tiayon nga bun-on ang kaugalingon nga bana.