Patay ang isa ka bana matapos ginlabo sang anay live-in partner sang iya asawa matapos nagtabuay ang ila banas sa Brgy. Bayombon, Masbate City.
Ang biktima nga napatay amo si alyas Leo, 43-anyos, samtang ang suspek nga pilason man amo si Benjie.
Base sa report, sakay sa isa ka motorsiklo ang biktima kaupod ang asawa nga si Michelle.
Pag-abot sa lugar, ginparahan sila sang suspek nga may dala nga binangon.
Didto na nag-atake ang suspek kag ginlabo ang biktima.
Sa pihak sang naangkon nga kapilasan, nakabalos pa ang biktima ka nakagabot pa sang iya nga binangon kag ginlabo man ang suspek.
Bangud sa madalom nga kapilasan, natumba na lang sa karsada ang bana.
Wala naman nakapalagyo pa ang suspek bangud sa mga naangkon man sini nga pilas kag gindala sang mga pulis sa ospital agud ipabulong.
