Lunsay ginbawian sang kabuhi ang isa ka bana kag nagabusong sini nga asawa matapos sila ginluthang sang mga armado nga lalaki sa natabo nga highway robbery sa Barangay Ugalingan, Carmen, Cotabato.
Ang mga biktima amo sanday Jezreel Tua Ramirez, 34-anyos, kag ang asawa nga si Jean,33-anyos.
Lunsay residente sang Purok 7, Barangay Poblacion, Carmen, Cotabato ang mag-asawa.
Base sa imbestigasyon, pauli na sa ila balay ang mag-asawa sakay sa mutlicab sang ginbanggaan sang mga lalaki nga may dala nga mga armas.
Gintayaan sang mga suspek sang pusil ang mga biktima kag ginkuha ang dala nila nga kwarta kag iban pa nga gamit.
Bag-o nagpalagyo, gintiro sang mga suspek ang mag-asawa nga gintunaan sang ila kamatayon.
