Isa ka 62-anyos nga lalaki sa France ang nagdulot sang alarma sa mga pulis matapos siya nga nagtawag sa emergency services agud i-report nga nalimtan niya ang iya nga asawa sa isak g gasolinahan sa highway — kag indi man niya madumduman kun diin ang gasolinahan.
Natabo ini sang damlag lang sang nagbyahe ang mag-asawa halin sa Paris pakadto sa Morocco kaupod ang ila anak nga babaye.
Samtang yara sa biyahe, nagpundo sila sa gasolinahan kag sang naglarga na ini, wala nakasakay ang iya asawa.
Nanotisyaran lamang niya nga nabayaan niya ang iya asawa sang yara na ini sa kalayuon nga 300 kilometros gani gilayon siya nagtawag sa emergency services para mangayo sang bulig.
Ang mas kaladlawan pa, ang ila nga 22-anyos nga anak nga babaye ang yara man sa salakyan apang tulog man gani wala man siya sang hinalung-ong nga nabayaan ang iya iloy.
Sa bulig sang mga pulis, natultulan nila ang iya asawa nga maayo man nga wala ini naghalin sa lugar kag naghulat sa pagbalik sang iya pamilya.
Matapos ang isa ka imbestigasyon, nagdesisyon ang mga otoridad nga matuod nga nalimtan lang sang lalaki ang iya nga asawa gani gintugutan sila nga magpadayon sa biyahe padulong sa Morocco.
