ILOILO CITY – Kun madakpan mo ang imo partner nga naga-cheat sa imo, ano ang himuon mo? Patawaron ini kag hatagan sang tsansa? Ukon patawaron ini kag i-let go. Idul-ong mo bala ini sa lugar kun sa diin siya malipayon apisar nga indi na ikaw ang kaupod?
Ini ang palamangkutanon nga pat-ud, madamo gid ang sabat.
Sa India, daw kaangay sang isa ka Bollywood movie script ang natabo.
Sa Nardiganj, isa ka bataon nga babayi ang nadakpan sang mga pumuluyo nga nagabisita sa balay sang iya other man samtang nga wala ang iya bana.
Ginsapote nila ang other man nga kasado man kag may tatlo ka mga anak.
Wala na nila ginbuy-an pa ang babayi kag ang other man sini tubtob nga nag-abot ang bana.
Sang naka-abot na ang bana kag nahibaluan ang ginhimo sang asawa, ginkakibot sang mga tawo ang pagpamatuk sini sa ila nga desisyon.
Sa baylo nga maakig, gindala sang bana ang iya asawa kag ang other man sini sa isa ka templo kag ginpakasal.
Suno sa iya, wala siya sang kinamatarong nga punggan ang iya asawa nga makaupod ang lalaki nga ginapalangga gid niya bangud lamang nga kasado ini.
Ikaw, masarangan mo man bala ini nga himuon?
