Nagdangat na sa 52 ang bangkay nga na-recover sa naglugdang nga MV Trisha Kerstin 3 sa baybayon sang Baluk-Baluk Island, Basilan.
Sa padayon nga search and recovery operations sang mga katapo sang Philippine Coast Guard (PCG), amat-amat na nga nakit-an ang mga missing nga pasahero sang naglugdang nga passenger vessel.
Suno sa imbestigasyon sang Department of Transportation (DOTr), ‘overcapacity kag overloading’ ang rason sang paglugdang sang amo nga barko.
Ginmanduan na sang DOTr ang MARINA nga magpasaka sang administratibo nga kaso batok sa Aleson Shipping Lines, nga tag-iya sang amo nga maritime vessel.
Ginatutukan man sang legal team sang ahensya ang posibilidad sang kriminal nga kaso batok sa mga indibidwal nga responsable sa aberya.
Ginkakas naman sa puwesto ang pila ka personnel sang PCG sa Region 9, lakip na ang station commander sa Zamboanga, suno sa DOTr.
Nahibaluan nga una nga ginpunto sang PCG nga indi overloaded ang MV Trisha Kerstin 3 sang naglayag ini padulong sa Jolo.
