Ginsaylo na ang bangkay ni Pope Francis sa St. Peter’s Basilica sa Vatican City, Rome, Italy.
Naghalin ang wooden coffin sang Santo Papa sa Papal Residence sa Casa Santa Marta sa diin ini nag-istar kag napatay.
Ang Casa Santa Marta ang yara lang sa adjacent sang St. Peter’s Basilica.
Ginbitbit naman ang wooden coffin sa pallbearers.
Ini ang ginsundan naman sang procession sang mga cardinals nga nakasuksok sang pula nga mga sotana.
Magapabilin nga bukas ang St. Peter’s Basilica sa mga tumuluo nga maghatag sang ila ulihi nga pagtahod kay Pope Francis umpisa subong nga Myerkules tubtob sa Byernes.
Ilubong naman ini sa St. Mary Major’s Basilica las 4:00 sang hapon sa Sabado, oras sa Pilipinas.
Nahamtang ang Basilica sa gwa sang Vatican sa Esquiline Hill.
Nahibaluan nga si Pope Francis ang pinakauna nga Santo Papa nga ginlubong sa gwa sang Vatican matapos ang masobra 100 ka tuig.
Santo sa report, maragtason ang Esquiline Hill bangud diri ginlubong ang mga pigado kag mga suluguon sadto nga panahon.
