Nagatalangison nga ginsugat sang pamilya ang bangkay sang tatlo ka overseas Filipino workers (OFWs) nga napatay kadungan sang daku nga sunog sa isa ka building sa Kuwait.
Ginkilala ang mga biktima nga amo sanday Jesus Lopez, Edwin Petilla, kag Jeffrey Catubay, lunsay nagatrabaho sa isa ka Kuwaiti construction company, kag ginbawian sang kabuhi bangud sa sobra-sobra nga aso nga ila nahaklo.
Gin-updan naman ni Department of Migrant Workers (DMW) Secretary Hans Cacdac ang mga himata sini nga mga Pinoy sa Ninoy Aquino International Airport (NAIA) subong nga adlaw, Hunyo 17.
“Ang OWWA [Overseas Workers Welfare Administration] meron alalay na ibibigay na bereavement and funeral and other benefits worth P220,000 and ang kompanya ay magbibigay din ng $10,000. Ang Kuwaiti government, $15,000 at inaasikaso pa natin ang insurance. Lahat ‘yan masasagot kaagad ‘yan,” suno naman kay OWWA Administrator Arnell Ignacio.
Ginkumpirma man nga may duha pa ka pilason nga mga Pinoy sa Kuwait nga padayon pa subong nga ginabulong kag gina-monitor sang Philippine Embassy.
“One of them is already nasa ward, nailipat na nung isang araw. ‘Yung isa pa is still in ICU, receiving the appropriate care and medical attention,” pahayag ni DMW spokesperson Toby Nebrida.
Matandaan nga 49 tanan ang patay sa amo nga sunog nga nagluntad 4:30 sang kaagahon sang Hunyo 12 sa al-Mangaf nga isa ka coastal city sa south sang Kuwait City. Sa inisyal nga imbestigasyon, short circuit ang rason sa pagluntad sang amo nga insidente.
