ANTIQUE – Padayon pa nga ginahibalo sang mga otoridad ang identity sang babaye nga nasapwan-patay sa Barangay Aguila, Sebaste, Antique.
Sa interview sang Bombo Radyo kay Ernesti Galido, Municipal Disaster Risk Reduction and Management Officer sang Sebaste, iya ginpahayag nga wala na sang ulo, tiil, kag kamot ang bangkay.
Suno kay Galido, nakit-an nila ang nasambit nga bangkay samtang nagapatigayon sang inspeksyon sa mga lugar nga apektado sang malain nga panahon.
Gin-athag man sang natungdan nga ang bangkay ang wala naghalin sa mga pantyon nga naguba sa lugar.
Nagpanawagan man ang natungdan sa publiko nga magdangop sa ila opisina kun nadulaan ang mga ini sang himata nga babaye.
