ILOILO CITY–Nagapabilin nga palaligban sa mga pumuluyo sang isa ka banwa sa probinsya sang Iloilo.
Sa interview sang Bombo Radyo kay Lola Inday, himata sang napatay, ginkutkut nila ang pantyon sang bata bangud iliubong diri ang nagtaliwan nga adoptive mother sang bata.
Suno pa sa Lola, ang bata ang napatay matapos makuryente.
Sang ginkalkal nila ang pantyon, nakibot sila bangud wala naagnas ang bangkay sang bata.
Kumpleto pa ang ngipon sini, may yara pa sang buhok kag wala man naagnas ang panit.
Samtang, indi man mapaathag sang embalasamador nga embalsamar sa duha ka tuig nga bata kun ngaa wala nagaka-agnas ang bangkay.
Sa interview sang Bombo Radyo kay Manong Nonoy, ginpahayag sini nga normal lamang nga kadamuon sang formalin ang iya ginbutang sa lawas sang bata sang gindala sa ila punerarya agud nga embalsamaron.
Suno pa sa embalsamador, nga madunot na ang lawas sang tawo sa sulod sa apat tubtub lima ka tuig matapos ginlubong.
Ginpapahayag man ni Manong Nonoy nga makatilingalahan para sa iya kun nga-a wala gid nagbululag ang tul-an sang bata sabaylo kasubong nga nagpalanig-a lamang ang bangkay.
