Nasapwan ang bangkay sang isa ka lalaki nga nagautaw-utaw sa idalom sang tulay sa esplanade 10 nga malapit sa sa isa ka mall sa distrito sang La paz.
Ginkilala ang bangkay nga si alias ‘kirig-kirig’ kag residente sang Barangay Punong, Lapuz, Iloilo City.
Ginpahayag man nga may deperensya sa paminsaron ang amu nga persona.
Base sa mga impormasyon, si alias kirig-kirig ang masami nagapangayu-ngayu sang pagkaon sa ila nga barangay.
Wala man nahibalu-an kun may pamilya ini sa syudad sang Iloilo.
Sa interview sang Bombo Radyo kay Alias Nono, construction worker kag amu ang nakakita sang bangkay, iya ginpahayag nga siya mismo ang nagpahigad sang bangkay sang biktima.
Suno sa iya, nakita man sini nga may pilas sa baba ang lalaki nga posible tuga sang kagat ukon ginkaon sang mga sapat.
Garok na ang lawas sini suno sa natungdan kag bloated naman ang tyan.
Dugang pa niya, nakasuksok ini sang green nga shorts kag pula nga tshirt.
