ILOILO CITY – Indi na pag-ipaidalom sa autopsy ang bangkay sang lalaki nga disgrasya nga nalukpan sang pusil sa Barangay Dagami, Maasin, Iloilo.
Ang biktima amo si Reniel Macaya, 24, soltero, residente sang nasambit nga lugar.
Sa interview sang Bombo Radyo kay Police Staff Sergeant Mike Maquiling, imbestigador sang Maasin Municipal Police Station, iya ginpahayag nga kumbinsido naman ang pamilya nga aksidente lamang ang natabo.
Kun balik-balikan, naga-panulo sang paka ang biktima upod ang iya abyan sang hinali nga naka danlog ang biktima sa pil-as.
Diri kag nahap-an niya ang iya belt bag nga may unod nga homemade shotgun kag naglupok.
Nag-angkon ang biktima sang pilas sa dughan nga gintunaan sang iya kamatayon.
