NUEVA VALENCIA, GUIMARAS – Wala sang may nakita nga foul play sa kamatayon sang isa ka lalaki nga nasapwan nga nagalutaw sa suba sa Brgy. Cabalagnan, Nueva Valencia, Guimaras.
Sa interview sang Bombo Radyo kay Police Corporal Demcent Villa, imbestigador sang Nueva Valencia Municipal Police Station, iya ginpahayag nga ang biktima amo si Jimmy Hilado, 45 anyos.
Suno kay Villa, nagaguwa sa imbestigasyon nga hubog ang biktima sang nagpauli apang wala na ini naka-abot sa ila balay.
Ginpahayag ni Villa nga sang ginpangita na sang pamilya, nasapwan na lang nga nagalutaw sa suba ang bangkay sang biktima.
Sang gin-usisa, wala sang may nakita nga pilas sa bangkay ukon ano man nga palatandaan nga may foul play sa krimen.
