ILOILO CITY- Wala sa gihapon makilal-an ang bangkay sang isa ka lalaki nga nasapwan nga nagalutaw sa suba sa Talauguis, Zarraga, Iloilo.
Sa interview sang Bombo Radyo kay Nelfry Jamina, residente kag tanod sa lugar, iya ginpahayag nga nasiplatan sang iya bata nga may lawas sang tawo sa suba kag sang ila ginpalapitan, nakumpirma nga bangkay ini sang isa ka lalaki.
Suno kay Jamina, wala na sang bayo ang amo nga lalaki kag nagakadunot na ini.
Padayon pa ang pag-imbestigar sang otoridad sa identity sang nasapwan nga patay kag nagapanawagan sa mga pamilya nga nadulaan sang himata nga magpakig-angot sa Zarraga Municipal Police Station.
