Nasapwan ang bangkay sang duha ka bata sa sulod sang isa ka salakyan sa Barangay San Matias, Santo Tomas, Pampanga.
Mag-utod ang mga biktima kag naga-edad lamang sang singko kag sais anyos.
Nahamtang ang salakyan sa isa ka open parking space nga 500-metros ang kalayuon halin sa ila nga balay. Ini nga salakyan ang madugay na naka-park sa lugar rason nga wala man gilayon natalupangdan nga may unod ini nga mga bangkay.
Suno sa iloy, ulihi niya nga nakit-an ang mga bata sang Hulyo 6 apang bisan wala niya nakita ang mga bata sang gab-i, wala man siya naghaum nga missing na ang mga ini bangud ginpatihan sini nga ginkuha ini sang ila amay nga nagapuyo sa lain nga barangay. Sang adlaw nga nakit-an ang mga bangkay, amo pa lang nakahibalo ang iloy nga nadula ang iya mga bata, kag ang mas malala, lunsay na ini mayami nga mga bangkay.
Nagdepensa naman ang amay nga wala siya nakakuha sa mga bata bangud Hunyo pa niya katapusan nakiit-an ang mga bata. Pananglitan dal-on niya suno sa iya, malisensya gid siya anay sa iloy.
Padayon pa ang imbestigasyon sang otoridad kun ngaa napatay ang mga bata, kun ngaa yara sa sulod sang salakyan, kag kun may yara sang foul play.
Subong nga adlaw ginalauman nga magguwa ang resulta sang autopsy.
Base sa baho sa lugar, ginapatihan nga dugay na nga napatay ang mga bata antes ini na-report sa mga pulis.
