Iloilo City – Ipaidalom sa autopsy subong nga adlaw ang bangkay sang masahista nga nasapwan-patay sa sulod sang Queens Court Inn, Barangay Bolilao, Mandurriao, Iloilo City.
Ang biktima amo si Christine Gabayeron, 38, temporaryo nga nagatinir sa syudad sang Iloilo apang residente gid sang Barangay Bacjawan Sur, Concepcion, Iloilo.
Sa interview sang Bombo Radyo kay Pol. Lt. Joebert Amado, deputy station commander sang Mandurriao Police Station, iya ginpahayag nga maathag ang reception nga kuha sang closed-circuit television antes mapatay ang biktima.
Suno kay Amado, indi kilala sang himata ni Gabayeron ang lalaki nga kaupod sini sa lodging house.
Sa matuod suno kay Amado, may yara sang kahagugma si Gabayeron apang nakalakat na ini bangud sa linya sang iya trabaho.
Ang lalaki sa footage kag kahagugma ni Gabayeron ang tuman ka layo sa isa kag isa.
Sa subong, nagapadayon pa ang imbestigasyon sang Mandurriao Police Station natuhoy sa insidente.
