MIAGAO, ILOILO – Nakutkutan 61st Infantry Battalion sang Philippine Army ang bangkay sang terorista nga Communist Party of the Philippines–New People’s Army (CPP-NPA) sa Brgy. Onop, Miagao, Iloilo.
Ini ang kasunod man sang pagkatukib sang militar sa hideout sang mga rebelde sa lugar sa diin nakit-an ang mga bala kag iban pa nga armas.
Sa exclusive interview sang Bombo Radyo kay Captain Kim Apitong, spokesperson sang 3rd Infantry Division sang Philippine Army, iya ginpahayag nga ang ginlubngan sang NPA ang gintudlo mismo mi Alyas JC, anay rebelde kag myembro sang Suyak (SDG) Platoon, Southern Front- KR-Panay, nga nagsungka sang Enero 2022.
Ang nakutkutan nga bangkay amo si Mark Sasi, Alyas Aden, Team Member sang Team 2, Squad 1, Suyak Platoon, Southern Front, Kometing Rehiyon Panay.
Ini ang napatay sa engkwentro sa tunga sang 61st Infantry Battalion sang Setyembre 23, 2019.
Samtang, suno naman kay Lieutenant Colonel Harold E. Garcia, Commanding Officer, sang 61st Infantry Battalion, kuntani magaserbe ini nga leksyon sa mga Communist NPA Terrorists sa diin pat-od nga maagyan man nila ang natabo kay Sasi.
“May this incident served as a lesson to all the CNT members that they will suffer the same fate when they choose to fight for a senseless armed struggle.”
Ginpasigurado naman ni Garcia nga mahimo sila sang paagi agud mabalik ang bangkay sini sa iya pamilya.
