Nahatagan na sang disente nga lubong ang bangkay sang terorista nga Communist Party of the Philippines–New People’s Army (CPP-NPA) nga nakutkutan sang 61st Infantry Battalion sang Philippine Army sa Brgy. Onop, Miagao, Iloilo.
Ang nakutkutan nga bangkay amo si Mark Sasi, Alyas Aden, Team Member sang Team 2, Squad 1, Suyak Platoon, Southern Front, Kometing Rehiyon Panay.
Ini ang napatay sa engkwentro sa tunga sang 61st Infantry Battalion sang Setyembre 23, 2019.
Sa exclusive interview sang Bombo Radyo kay Captain Kim Apitong, spokesperson sang 3rd Infantry Division sang Philippine Army, iya ginpahayag nga ang utod mismo kag mga pakaisa ang nag-claim sa bangkay.
Gindala ini pauli kag ginlubong sa Barangay Igparas, Sibalom, Antique.
Suno kay Apitong, natukiban nila nga tatlo tubtob apat ka-tuig nga nangin myembro si Sasi sang rebelde nga grupo.
