ILOILO CITY – Nakita na ang bangkay sang pasahero nga naglumpat sa barko.
Nagalutaw-lutaw na sa baybayon sang Tomaquin Island ang bangkay ni William Teves nga tumandok sang Cabalasan, Zamboanga Sibugay, sang ini ang nasapwan.
Sa interview sang Bombo Radyo Iloilo, ginpahayag ni C/Insp. Nino Leonard Amar, hepe sang Carles Municipal Police Station, nasapwan ni Dylene Barlas sang Barangay San Fernando, Carles ang biktima nga yara na sa advance state of decomposition.
Si Teves ang pasahero sang barko nga St. Michael sang 2Go Shippinggikan sa Dumaguete kag padulong sa Manila.
Apang naglumpat ini sa dagat sa wala mahibaluan nga rason samtang yara sa tunga-tunga sang Balbagon kag Calagnan Island sa banwa sang Carles, ang barko.
Suno kay Amar, nakumpirma ang identity sang biktima sang magpakig-angot sila sa Philippine Coast Guard nga amu naman ang nagkumpirma nga yara sa manifesto sang barko ang ngalan sang biktima.