ILOILO CITY– Plano sang Iloilo City Government nga i-cremate ang bangkay sang mga posible mapatay bangud sa coronavirus disease 2019.
Sa interview sang Bombo Radyo kay Iloilo City Mayor Jerry Treñas, iya ginpahayag nga ang pagcremate sang bangkay sang mga apektado sang virus ang santo man sa mando kag protocol sang Department of Health kag Department of the Interior and Local Government.
Samtang, ginpaandaman man sang alkalde ang mga opisyales sang Barangay ukon mga punong barangay nga nagabaligya sang quarantine pass.
Suno kay Treñas, ang quarantine pass ang libre nga ginahatag, kag tag-isa ka pass lang ang para sa tagsa ka household.
Kun madakpan ang nagabaligya sang quarantine pass, suno kay Treñas, ipadakop niya ini sa pulis, idiretso sa karsel kag kasuhan sang extortion.
