ILOILO CITY–Ipaidalom sa autopsy examination ang bangkay sang tatlo ka mga napatay sa sunog sa Sitio Malipayon, Brgy. MH Del Pilar, Jaro, Iloilo City.
Ini agud nga mahibalu-an kun bala buhi pa sang nasunog ang mga biktima ukon napatay bangud sa paghaklo sang aso bag-o nasunog.
Nahibalu-an nga patay sa sunog si Natividad “Maring” Panonciano, 79 anyos kag duha ka apo nga sanday Ivan Apongol, 11 anyos kag Iman Apongol ,12 anyos.
Sa interview sang Bombo Radyo kay Palomo, iya ginpahayag nga mabinuligon nga sahi sang tawo si Lola Maring.
Halimbawa diri suno kay Palomo amo nga nagapahulam sang kwarta sa mga nagakinahanglan ang tigulang bisan nga wala sang saka.
Ginpahayag man ni Palomo nga kasubong nga secured gid ang balay ni Panonciano bangud nga nakaagi na sadto nga ginkawatan ang biktima.