Arestado ang isa ka lalaki matapos ginholdap ang isa ka bangko sa Western Bicutan sa Taguig.
Ang suspek isa ka regular nga kliyente sang bangko gani nakapasulod ini sang pusil bangud wala ini ginkapkapan sang guwardiya sang nagsulod ini sa bangko.
Base sa imbestigasyon, nagpakuno-kuno ang lalaki nga maga-withdraw ini.
Ginpasugtan man siya nga maggamit sang banyo nga off-limit dapat sa mga kliyente.
Sang naggwa na ang suspek halin sa banyo, nagasuksok na ini sang bonnet kag nangtaya sang pusil.
Natigayon naman nga mapindot sang isa ka teller ang alarm button nga nakaresponde gilayon ang pulis.
Bangud sini, wala na mataban sang suspek ang P7 million nga kwarta.
Nagapangatubang ini sang reklamo nga robbery kag paglapas sa election gun ban.
