ILOILO CITY – Ginpasakaan sang Bangko Sentral ng Pilipinas ang benchmark interest rate sang point 50 percent agud nga mahagan-hagan ang nagalala nga inflation.
Suno kay Bangko Sentral ng Pilipinas Governor Felipe Medalla, ang overnight borrowing rate ang yara na sa 5.5 percent matapos ang adjustment.
Gin-match sang Bangko Sentral ng Pilipinas ang downshift sa US Federal Reserve matapos nga gin-anunsiyo ni Chairman Jerome Powell ang point 50 percent hike nga mas manubo sa succeeding point 75 percent nga ginpatuman sa nagligad nga mga meetings.
Ang inflation ang naglala pa tubtob sa 8 percent sang Nobyembre nga amo ang pinakamataas humalin sang November 2008 kag gin-doble pa ang upper limit sang gobyerno nga 2 to 4 percent target range.
