ILOILO CITY – Mangin mahinalungon subong nga holiday season bangud posible mangin biktima ka sang peke nga kwarta.
Sa interview sang Bombo Radyo kay Doreen Santavera, acting area director sang Bangko Sentral ng Pilipinas (BSP) Iloilo, iya ginpahayag nga kinahanglan mangin mas nakahibalo ang publiko mag-check sang kwarta kun peke ukon indi.
May yara man sang ginapatigayon nga financial literacy efforts ang BSP tuhoy sa security features sang kwarta.
Suno kay Santavera, may mga information campaign man ang BSP nga ginapatigayon ilabi na tuhoy sa scams kag frauds.
Pahayag niya, sa subong isolated ang mga reports nga nabaton kag indi ini makaalarma apang importante sa gihapon nga magpabilin nga aware kag mahingalungon agud indi mabiktima.
Gani gina-remind gid sang BSP ang publiko nga regular nga i-check ang kwarta pinaagi sa “feel, look, tilt” approach agud ma-protektahan ang kaugalingon batuk sa counterfeiting.
