Nagpanawagan ang Bangko Sentral ng Pilipinas (BSP) sa Kongreso nga magpasar sang mga layi nga makabulig sa pagbangon sang ekonomiya sang pungsod.
Suno kay BSP Governor Benjamin Diokno, iya ginahayag nga may yara siya sang ginakaptan nga legislative agenda nga ginalakipan sang mga hagna nga pending subong sa Kongreso.
“The BSP’s legislative agenda aims to strengthen the financial system, foster financial inclusion, enhance the delivery of financial services, address social issues related to access to financial products and services, and support economic growth amid the pandemic,” pahayag ni Diokno.
Isa sa mga hagna nga ginaduso sang BSP amo ang Financial Consumer Protection Bill, sa diin kaundan sini ang komprehensibo nga financial consumer protection framework.
Magluwas sini, luyag man ni Diokno nga mapasar ang Bank Secrecy Bill, nga nagahatag sang otoridad sa BSP sa pag-usisa sa bank deposit information sa idalom sang mga partikular nga sirkumstansya.
Lakip man sa listahan amo ang Agri-Agra Bill sa diin katuyuan sini nga mapapag-on ang rural development kag mapasangkad ang agricultural financing ecosystem kag community requirements.
Ang nasambit nga hagna ang may katuyuan nga mabuligan ang sektor sang agrikultura nga mahatagan sang bulig pinansyal.
Ginaduso man ni Diokno ang Financial Institutions Strategic Transfer Act (FIST) bill, sa diin katuyuan sini nga mahatagan sang ligwa ang liquidity sang lending sa mga sektor nga makabulig sa pagbangon sang ekonomiya.
Ang BSP amo ang main propondet sang nasambit nga mga hagna.
Dugang pa, ang central bank ang nagasuporta man sa pagpasar sang Government Financial Institutions Unified Initiatives to Distressed Enterprises for Economic Recovery Act ukon GUIDE.
Ginpahayag ni Diokno nga nagapakig-angot na sila sa Department of Finance, Bureau of Treasury, Land Bank of the Philippines kag Development Bank of the Philippines kaangot sini.
“The BSP remains committed to the immediate passage of these legislative measures. We pursue these structural reform initiatives as we see them providing needed support to the New Economy,” dugang pa ni Diokno.
“The BSP regularly conducts consultations and dialogues with lawmakers, technical experts, and concerned stakeholders to ensure that all issues relative to the legislative measures are adequately addressed,” pahayag sang BSP Governor.
