Kumpleto na ang line-up ni Concepcion, Iloilo Mayor Dr. Raul Banias para sa iya pagpa-reelect sa 2022 elections.
Mangin runningmate ni Banias si Juvy Badiango, isa ka retired professor kag asawa sang anay konsehal sa amo nga banwa.
Yari ang lista sang political aspirants nga magapadalagan bilang konsehal sa idalom sang grupo ni Banias:
Incumbent councilors
- Tintin Ortiz Orpeza
- Rubenie Garilva
- Reymond Gabayeron
Yara man sanday
- Former SB Member Mark Villaruz
- Former SB Member Indang de Julian
- Former SB Member Lyn Amante
- Kagawad Pre Mia Ariola sang Barangay Poblacion, kag
- Vel “Ispading” Oñate, anak sang anay bise-alkalde kag apo sang anay alkalde
Sa Oktubre 7 maga-file sang COC ang grupo ni Banias.
Ginalantaw nga makasumpong ni Banias si Concepcion Vice Mayor Milliard Villanueva nga subong wala pa naka-file sang iya nga COC.
Sang nagligad nga eleksyon, nagpadalagan si Banias sa idalom sang PDP-Laban. Sa subong, mapapili siya sa idalom sang National Unity Party (NUP) nga amo man ang ginsayluhan ni Iloilo Governor Arthur Defensor, Jr.
Sa interview sang Bombo Radyo kay Banias, iya ginpahayag nga padayunon niya ang mga programa agud matapna ang kapigaduhon sa amo nga banwa.
“More than anything else, I think this time, mas maayo gid nga doktor anay ang madumala sa aton nga banwa bangud nga may ara pa kita sang pandemya,” pahayag ni Banias.
