ILOILO CITY – Ginkumpirma sang Iloilo Provincial Police Office (IPPO) nga kahimuan sang New People’s Army (NPA) ang pagpalapta sang mga banners sa pila ka kabanwahanan sa probinsiya sang Iloilo.
Ginpahayag ni IPPO director S/Supt. Harold Tuzon sa interview sang Bombo Radyo nga kalakip sa mga kabanwahanan kun sa diin nakit-an ang mga banners amo ang Calinog, Igbaras kag Lambunao.
Nasulat diri ang mga mensahe nga nagapanamyaw sa ika-48 nga anibersaryo sang NPA.
May mensahe man ini nga naga-recruit sa mga kabataan nga mag-upod sa rebelde nga grupo kag may ngalan sang Jose Percival Estocada Jr. Command.