Patay na sang nakit-an ang bantay sang baligyaan sang manok sa Brgy. Sampaloc, Pagsanjan, Laguna.
Ang biktima amo si alyas “Edison”, 48-anyos, may asawa, crew sang Five Star Chicken Store kag residente sang San Pablo, Laguna.
Aga na sang madiskubre sang kaupdanan sini sa trabaho ang lawas sang biktima nga nagapaligo sang dugo sa sulod sang tindahan.
Narekober naman ang kitchen knife nga may mga dugo pa sa sulod sang comfort room sang baligyaan.
Padayon pa ang imbestigasyon sang kapulisan sa insidente.
