Ginahuring-huring subong nga magabalik subong nga tuig 2026 ang bantog nga sitcom movie sang dekada 90 nga “Home Along Da Riles”
Sang Disyembre 28, nag-upload sa social media ang aktor kag direktor nga si Boy 2 Quizon sang isa ka teaser nga kaangay nga may nagapa-abot nga pelikula nga “Home Along Da Riles Da Reunion.”
Ginpakita man ang title sang proyekto kag ang pangalan ni Quizon bilang direktor sang pelikula kag ginsundan sang mensahe nga “The legacy continues in 2026.”
Nahibaluan nga una nga ginpaguwa sang tuig 1992 ang pelikula kag nangin isa sa pinakapopular nga programa sa telebisyon sa sulod sang 17 ka tuig.
Ginapangunahan man ini sang Comedy King nga si Dolphy Quizon.
