CALINOG, ILOILO Padayun nga ginatutukan sang Calinog, Iloilo ang mga pamaagi agud malikawan nga makasulod sa ila banwa ang coronavirus disease 2019.
Banwa snag Calinog, hugot ang pagbantay sa ila border agud indi masudlan sang mga persona ngamay covid-19
Sa interview sang Bombo Radyo kay Calinog Mayor Francisco Calvo, iya ginpahayag nga hugot ang ila ginahimo nga pagbantay sa ila borders sang mga nagapasulod kag nagagwa nga mga pumuluyo sa ila banwa.
Suno kay Calvo, sa tion sang pagpatuman sang curfew, wala na sang mga pumuluyo nga nagalagaw pa bangud ang halos tanan ang nagasunod sa kun ano man ang mga pagsulundan nga ila ginapatuman.
Pahayag pa niya, subong, zero na sila sa person under investigation kag zero naman sa persons under monitoring, bangud nakatapos na ang halos 200 nga mga pumuluyo sa 14 day home quarantine.
Sa subong suno sa natungdan, nagapang repack na sila sang mga relief goods nga igahatag sa mga pumuluyo sang ila banwa, lakip na diri ang pangabay nga kuntani padayun nga sundon sang mga tawo ang ginapatuman nga physical distancing.
