CONCEPCION ILOILO- Tuman ang kalipay nga nabatyagan sang banwa sang Concepcion, Iloilo matapos ginpasidunggan bilang 1st place sa category B sang realty tax collection sa probinsya.
Sa interview sang Bombo Radyo kay Concepcion Municipal treasurer Mr. Antonio C. Marquillero, iya ginpahayag nga nalipay sila bangud sa ikawalo nga kahigayunan nakabatun sang award ang ila banwa may kaangtanan sa tax collection.
Suno kay Marquillero ang kooperasyon sang mga pumuluyo kag sang mga punong barangay ang nangin rason agud makuha ang pasidungog.
Ginpahayag man niya nga bangud sa nasambit nga kooperasyon sang tagsa tagsa, wala sila nabudlayan sa ila koleksyon.
