ILOILO – Igadeklara sang Philippine Drug Enforcement Agency (PDEA) Western Visayas ang banwa sang Guimbal bilang ikaapat nga drug-cleared nga banwa sa probinsya sang Iloilo.
Sa interview sang Bombo Radyo kay Ma. Graziella Tanaleon, acting public information officer sang PDEA 6, iya ginpahayag nga pagahiwaton ang deklarasyon sa Nobyembre 28, Hwebes, ‘las nuebe sang aga.
Ini ang pagatambungan sang Regional Oversight Committee nga ginapangunahan sang PDEA sa pagpamuno sang officer in charge nga si Mr. Alex Tablate.
Ini ang pagaupdan sang Department of Interior and Local Government (DILG), Department of Health (DOH), kag ang Philippine National Police (PNP).
Matandaan nga sa probinsya sang Iloilo, una na nga gindeklara bilang drug-cleared ang syudad sang Passi, kag ang kabanwahanan sang Miag-aoa kag Igbaras.
