Naka-eksperyensya ang banwa sang Janiuay, Calinog, Bingawan, Lambunao kag Passi City sang mabaskog nga hangin kag madamol nga pag-ulan.
Ini kasunod man sa epekto kag malain nga tyempo nga dala ni Bagyo Kristine.
Sa interview sang Bombo Radyo kay Passi City Mayor Stephen Palmares, iya ginpahayag nga medyo mabaskog ang dapya sang hangin sa ila lugar, samtang ang pagbubo sang ulan ang malaka lamang.
Suno kay Palmares, wala paman sang mga barangay ang naka-report kon may yara sila sang calamity related concerns.
Nagpasalig naman ang alkalde nga naka-standby ang emergency responders sang tagsa ka mga barangay pananglitan nga kinahanglanon ini.
Ginsuspendi naman ni Bingawan Mayor Mark Palabrica ang klase sa tanan nga lebel sa banwa sang Bingawan subong nga adlaw, Oktubre 25, 2024 bangud man dalagan sang tyempo sa lugar.
Suno kay Mayor Palabrica, gin-activate na sang lokal nga panguluhan ang Emergency Operation Centers 24/7 agud nga matutokan ang palibot kag ang mga residente nga posible magkinahanglan sang bulig.
Nakahanda naman ang pila ka mga dump trucks sang banwa agud gilayon mahatagan sang bulig ang posible maapektohan sang halit ni Bagyo Kristine.
