TUBUNGAN ILOILO– Nakabatun sang award bilang Most Business Friendly Municipality ang banwa sang Tubungan.
Ini ang tuigan nga awarding nga ginapatigayun sang Philippine Chamber of Commerce.
Sa interview sang Bombo Radyo kay Tubungan Mayor Roquito Tacsagon, iya ginpahayag nga ginbatun niya ang nasambit nga award sa Manila sang damlag lang.
Suno kay Tacsagon, napilian kag nagdaog sila sang nasambit nga award bangud man sa paghimakas sang banwa sang Tubungan, pinaagi sa pag-organisa sang ila sektor sang negosyo.
Pahayag pa ni Tacsagon, madamo sang mga dalagko nga negosyo nga nagkuha sang business permit sa ila banwa.
Dugang pa sang natungdan, sang nakaligad nga tuig 2018, ginkilala man sila bilang most business friendly municipality.
