Isa ka izakaya bar sa Nagoya, Japan ang nagapangatubang sang kontrobersyal bangud sang ila pinasahi nga serbisyo nga ginahatag sa mga customer.
Ang bar, nga kilala sa ila manamit kag krispy nga chicken karaage, naghatag man sang libre kag literal nga “crispy spankings” sa mga bisita.
Suno sa manager sang nasambit nga bar, ang pagtampa nagahatag interes sa ila negosyo, gani nangin epektibo ini nga paagi agud makapaganyat sang mas madamo pa nga customer.
Sa una, isa lang ka waitress ang nagatampa — kag ginahimo lang ini kun ginapangayo sang customer.
Apang samtang nagadamo ang mga interesado nga makaeksperyensya sang serbisyo, ang bar nag-hire sang mas madamo nga mga babayi nga handa magtampa sa balor nga 100 yen ukon P37 kada isa.
Sang primero, isa lang ka waitress ang nagahimo sang pagpanampa sa customer, apang bangud sa madamo na ang nagapangita sang ini nga klasi sang serbisyo kag nangin in-demand pa ini, nag-hire pa ang amo nga bar sang pila ka mga babayi nga nagapanampa sa balor nga 100 yen ukon P37.
Suno sa report sang Liberty Times Net, may mga customer pa nga nagabayad sang 500 yen agud lang makapili kun sin-o nga waitress ang gusto nila nga magatampa sa ila.
Gani indi lang mga local nga Japanese ang naga-interes, kundi pati mga foreigners ukon foreign tourists nagapila man agud lang tampaon.
Pagkatapos nga maglapta ang amo nga video sa social media, ang bar nakabaton sang nasari-sari nga mga reaction kag kritisismo, sa bagay nga nga nagdesisyon ang manager sang amo nga ilimnan nga untaton na ang amo nga klase sang serbisyo.
Wala pa klaro kun san-o gid nila gin-untat ang serbisyo, apisar bisan wala na ini, padayon gihapon nga ginadumdom sang kadam-an, bilang isa sa mga pinaka-‘extraordinary’ nga paagi sang customer engagement sa bar scene sang Japan.
