Ginlunsyar sang Liga ng mga Barangay Iloilo Province ang “Barangay Aid on Wheels” nga magabulig sa mga barangay officials sa legal nga aspeto pinaagi sa Integrated Bar of the Philippines.
Sa interview sang Bombo Radyo kay Board Member Amalia Victoria Debuque, Presidente sang Liga ng mga Barangay-Iloilo Province, iya ginpahayag nga madamo sang mga punong barangay ang nagapalapit sa iya agud mangayo sang abiso kag legal assistance.
Gani nagpakig-angot ini sa Integrated Bar of the Philippines nga nagatanyag sang legal advise para sa mga barangay officials.
Suno kay Debuque, pinaagi sa nasambit nga programa, madugangan ang mapasangkad pa ang legal knowledge sang mga opisyal.
Dugang pa sang natungdan, may yara sang legal team nga ginalakipan sang mga myembro sang Liga ng mga Barangay, IBP kag Department of the Interior and Local Government nga magalibot sa mga barangay agud magtanyag sang libre nga serbisyo legal.
