LAMBUNAO, ILOILO – Nagmato-mato sa paghimu sang imporvised face shield ang Barangay Council sang Poblacion Ilawod, Lambunao, Iloilo bilang kabahin sang preventive measures bangud sa Coronavirus Disease 2019 (COVID-19).
Sa Good Morning Philippines program, ginpahayag ni Punong Barangay Niel “Kulano” Latañafrancia nga ang nasambit nga inisyatibo ang naghalin sa iya tiayon nga isa ka doktor.
Suno kay Latañafrancia, ang improvised face shield ang himu sa 4 Liters ukon 6 Liters nga plastic water bottle kag ang finished product ang igapanghatag sang libre para sa mga frontliners kag ang kada pamilya sa ila lugar ang pagahatagan sang tag isa ka face shield.
Ginpahayag ni Latañafrancia nga ang mga plastic water bottle ang ginadonar sang mga pumuluyo agud nga madamo ang makapulos sini.
Sa bulig sang bug-os nga pwersa sang Barangay Council sang Poblacion Ilawod, ginpahayag sang natungdan nga amat-amat na nga ipanghatag ang improvised face shield.
