JORDAN, GUIMARAS – Magalawig tubtob sa Agosto 20, 2020 ang lockdown sa Barangay Espinosa, Jordan, Guimaras matapos maka rekord sang tatlo ka mga kumpirmado nga kaso sang COVID-19.
Sa interview sang Bombo Radyo kay Mayor Ruben Corpuz, iya ginpahayag nga kahapon, Agosto 17 nangin epektibo ang lockdown.
Suno kay Corpuz, ang mga nagpositibo sa COVID-19 amo ang naka close contact sang nagpositibo man nga personnel sang AC Energy.
Ginasiguro sang alkalde nga may naka handa nga food packs para sa mga pumuluyo sa sulod sang apat ka adlaw.
