Naangkon sang defending champions nga Barangay Ginebra ang kadalag-an sa una nga hampang batok sa TNT sa best-of-seven finals sa 2023 PBA Governors’ Cup, 102-90.
Sa atubang sang masobra 11,500 ka fans sa Smart-Araneta Coliseum, ginpakita sang Gin Kings nga wala natuktukan ang gahum kag pwersa sini apisar bag-o lang natapos ang 11 ka adlaw nga break.
Ginkamasaan sang Kings ang Tropang Giga paagi sa 31 puntos sang resident import nga si Justin Brownlee, 21 puntos ni Jamie Malonzo, kag triple double of 10 points, 13 rebounds, kag 11 assists sang reigning Most Valuable Player nga si Scottie Thompson.
Sa 90 puntos naman sang Tropang Giga, 30 puntos ang nagikan sa import nga si Rondae Hollis-Jefferson samtang 23 naman ang halin kay Mikey Williams.
Natalana sa Miyerkules ang Game 2 sang finals sa amo man gihapon nga venue.
