ILOILO CITY – Magaatubangay sa ikatatlo nga tion sa finals sang PBA Governors’ Cup ang Meralco Bolts kag Barangay Ginebra.
Ini matapos man nga ginlampaso sang Meralco Bolts ang Magnolia Hotshots sa score nga 94-81 sa game 5 sang semi-finals.
Nangin lyabe sang kadalag-an sang Bolts ang 24 points ni Allein Maliksi samtang may 18 points si Raymond Almazan kag 17 points si Chris Newsome.
Nauyang naman ang 21 points ni Calvin Abueva para sa Magnolia.
Ang Meralco Bolts kag Barangay Ginebra ang maga-atubangay sa finals sang Governors’ Cup sa ikatatlo nga beses.
Ang finals sang Governors’ Cup ang masugod na sa Myerkules, Abril 6.
