ILOILO CITY – Nagaisahanon ang Brgy. Javellana sa distrito sang Jaro nga nakapasar bilang drug-cleared barangay sa syudad sang Iloilo.
Sa 42 ka mga barangay sa nasambit nga distrito, walo ang nag-apply agud mangin drug-cleared.
Sa interview sang Bombo Radyo kay Police Capt. Eduardo Siacon Jr., hepe sang Jaro Police Station, iya ginpahayag nga may mga nagapakatig-a sa gihapon kag padayon nga nagaduso kag nagagamit sang illegal drugs.
Suno kay Siacon, may mga punong barangay sa distrito sang Jaro nga wala na lang nag-apply para sa drug-clearing bangud nakahibalo sila nga madamo sa gihapon ang drug personalities sa ila lugar.
Ginpahayag ni Siacon nga lakip sa mga rason amo nga may yara sang relocation sites sa distrito sang Jaro kag kalabanan sa mga drug personalities ang pangayaw.
