STA. BARBARA, ILOILO – 15 ka sachet sang suspected shabu ang nakuha sa isa ka barangay kagawad nga nadakpan sa buy bust operation Brgy. Bitaog Taytay, Sta. Barbara, Iloilo.
Ang subject sang buy bust operation amo si Brgy. Kagawad Nelson Solas, 46, sang nasambit nga lugar kag ginakabig nga high value target.
Sa interview sang Bombo Radyo kay Police Major Raymond Celoso, Officer-in-Charge sa Sta. Barbara Municipal Police Station, iya ginpahayag nga nabaklan si Solas sang isa ka sachet sang suspected shabu balor P1,000.
Suno kay Celoso, nakuhaan pa gid si Solas sang dugang nga 9 ka dalagku nga sachet sang suspected shabu kag lima 5 ka magagmay nga sachet sang suspected shabu.
Nagpamalibad naman si Celoso nga maghatag sang detalye kun sa diin nagakuha sang supply sang illegal drugs si Solas bangud nga nagapadayon ang ila surveillance.
Ginpahayag ni Celoso nga mabudlay dakpon si Solas bangud nga nagapamili sang customer ang barangay kagawad.
