ILOILO CITY – Magabulos bilang punong barangay sang Magsaysay, City Proper si kagawad Gerald Casio kasunod sang kamatayon sang iya amay nga si punong barangay William Casio.
Sa interview sang Bombo Radyo kay barangay kagawad Catalino Palomo, napatay ang amay nga Casio bangud sang cardiac arrest bangud sang gina-suprer nga diabetes.
Apisar nga wala pa sang pormal nga inagurasyon, ang anak nga Casio nga amo man ang number 1 kagawad ang magabulos sa iya amay bilang pagsunod sa rule of succession of position.
Si punong barangay William Casio ang madugay na nga nagaserbisyo sa barangay humalin sa pagka-tanod tubtob nga nangin tanod commander, kagawad kag subong, yara na sa ulihi nga termino bilang punong barangay.
Nakahaya subong ang bangkay ni Casio sa ila puluy-an sa likod lang sang barangay hall.
