Wala na natabangan pa ang isa ka barangay kagawad matapos gintiro sang wala pa makilal-an nga indibidwal sa Zamboanga City.
Ang biktima amo si Julambri Utubara, 28-anyos, residente sang Brgy. Manicahan sang amo nga syudad.
Sakay sa motorsiklo ang biktima padulong sa Brgy. Sta. Catalina.
Pag-abot sa lugar, nakibot na lang ang mga tawo sa nabatian nga mga lupok sang pusil sa sululdlon nga porsyon.
Didto na nila nakita ang biktima nga nagapaligo sa kaugalingon nga dugo sa tupad sang iya motorsiklo.
Gindala pa ini sa ospital apang wala natabangan pa.
Narekober naman sang otoridad ang empty shells sang bala sang armas nga gin-gamit sa krimen.
